Курстан алған әсерім

Абдиманова Б.У.

   Мен биыл 28.03-22.04.2016ж. аралығында « Өрлеу» біліктілікті арттыру ұлттық орталыңы» АҚ Қарағанды облысы бойынша педагогикалық қызметкерлердің біліктілігін арттыру институтының Қазақстан Республикасы орта білім беру мазмұнын жаңарту аясында оқу орыс тілінде жүретін мектептердегі «Қазақ тілі» пәні бойынша 160 сағат көлеміндегі біліктілікті арттыру курсынан өттім.

   Треньер М.Б.Сүлейменов жоғарыда аталған уақыт аралығында бізге дәріс оқыды. Бұл алғашқы 25 адамдық курс көбіне тренингтік тапсырмаларға құрылған екен. 1-сыныптарда қазақ тілін оқытудың өзіндік ерекшелігімен таныстық.

    Қазақстан Республикасында орта білім мазмұнын жаңарту шеңберінде орыс тілінде мектептердегі «Қазақ тілі» пәні бойынша педагогика кадрларының біліктілігін арттыру курсының білім беру бағдарламасы бойынша курста «Жалпы білім беретін мектеп мұғалімдеріне арналған критериалды бағалау басшылығы»,  Оқу бағдарламасы (орта білім беру мазмұнын жаңарту аясында) Бастауыш білім беру(оқыту қазақ тілінде емес1-4 сыныптар үшін), «Қазақ тілі» пәні бойынша оқу жоспары оқыту қазақ тілінде емес мектептерге арналған (орта білім беру мазмұнын жаңарту аясында) және мұғалімге арналған нұсқаулықпен таныстық.

   Сонымен қатар «Оқыту және оқу тәжірибесіндегі жаңа тұрғылар» тақырыбындағы облыстық ғылыми-практикалық семинарға қатысып, жинаққа «Орыс аудиториясындағы қазақ тілі сабағында функционалдық сауаттылықты қалыптастыру» атты мақалам басылып шықты. Бәріміз тест тапсырмасын, қысқа мерзімді сабақ жоспарын жасап шеберлік класын өткіздік. Назарбаев Зияткерлік мектептері (НЗМ) халықаралық озық тəжірибені оқыту жəне  оқу  үдерісіне  енгізу  мақсатында  өзінің  білім  беру  бағдарламасын  өзгерткен екен, болашақта сол бағдарламамен жұмыс жасайтын сияқтымыз.

Мұғалімдердің біліктілігін арттыру курсының бір бөлімі ретінде мұғалімнің осы курс барысында қарастырылатын мәселелерді түсінуі, әдіс-тәсілдерді қолдануы бағамдалатын болады екен. Бағамдау төмендегі  көрсетілген сегіз аспектіге шоғырланған: оқыту дағдылары, ойлау  сипаты,  жаңартылған  білім  беру  бағдарламасын  түсіну,  жоспарлау,  белсенді  оқу, пән  бойынша  педагогикалық  білім,  оқушылардың  қажеттіліктерін  қанағаттандыру  және критериалды  бағалау. Ерте тіл үйрете бастаудың артықшылықтары да осыдан білінеді. Орыс тілінде оқытатын мектептерде қазақ тілін оқытуда қолданылатын әдістер мен тәсілдердің біраз өзгертілгенін осылардан-ақ  байқауға болады.