Халықаралық қарттар күні қарсаңында,  қаладағы Ардагерлер үйінде өткен шарада Республикалық физика-математика мектебінің шәкірттері қарт майдангерлер мен зейнеткерлерге концерт қойып, мерекелік көңіл-күй сыйлады.

   Мектебіміздің оқушылары қарттардың сүйікті әндерін орындап, өнерлерін ортаға салды. Ардагерлер үйіндегі қарияларға мектеп оқушылары өздері дайындаған сыйлықтарын тарту етті және РФММ ұжымының атынан майлы бояумен салынған суретті табыстады. 

РФММ шәкірттері қарттар үйіне барып, жасы үлкен адамдарға көмектесуді, ойын-сауық шараларымен көңілдерін көтеруді дәстүрге айналдырған. Жыл сайын мектеп оқушылары Жеңіс күнінің қарсаңында Ардагерлер үйінде сенбілік өткізіп тұрады.