14 қазанда «РФММ» КеАҚ-ның қабырғасында АҚШ университеттерінің білім көрмесі өтті.

АҚШ-тың 23 университетінің өкілдері физмат оқушыларына білім бағдарламалары, шәкіртақылар мен құжат тапсыру үдерістері туралы жан-жақты мағлұмат берді. Жыл сайын РФММ-ге келу, әлемнің үздік жоғарғы оқу орындарының рейтингінен табылатын Colorado State University, University of California, Irvine, University of Colorado Denver секілді университеттер үшін дәстүрге айналды.

Физмат шәкірттері оқу орындарының таныстырылымдарымен танысып, АҚШ-та білім алу мен студенттік визаға ие болуға қатысты сұрақтарына жауап алды.