14 қазанда, мектебіміздің туған Күнінің қарсаңында, 8-9 сынып оқушылары салтанатты түрде физмат қатарына қабылданды. Көп жылдан бері мектепте жаңа келген сегізінші және тоғызыншы сынып оқушыларын физматтықтар қатарына қабылдау дәстүрі жалғасуда.

Қабылдау рәсімі әрқилы сынақ түрінде өтті. Физмат қабырғасына жаңа келген оқушылар өнерлерін ортаға салды, жоғарғы сынып оқушыларының зияткерлік және астарлы сұрақтарына жауап беріп, білімдері мен шығармашылық қабілеттерін көрсетті.

​ Барлық сынақтан сәтті өткен соң, оқушылар «физмат шәкірті» атына кір келтірмеуге ант беріп, салтанатты түрде физмат қатарына қабылданды. Жас шәкірттерді «РФММ» КеАҚ Басқарма Төрағасы Ербол Сейітұлы Баеков, сынып жетекшілері және ересек физматтықтар құттықтады.

Сонымен бірге, бұл күні 8-9 сынып арасында өткен РФММ гимнін орындау сайысы жүлдегерлерінің есімдері аталды.

9 «Б» сыныбының оқушылары 3-орынды иеленсе, 2-орын 8 «А» оқушыларына бұйырды. 9 «А» сыныбы оқушыларынан құралған хор физмат гимнін үздік орындаушы деп танылды.

Жүлдегерлерге мектеп басшылығының атынан бағалы, естелік сыйлықтар табысталды.

Жүлдегерлерге мектеп басшылығының атынан бағалы, естелік сыйлықтар табысталды.

Шараның аяғында мектебімізге жаңа келген шәкірттер тұңғыш рет салтанатты түрде физмат гимнін қосыла шырқады.