2016 жылы 22 қазанда «РФММ» КеАҚ қабырғасында Қазақстанның ұлттық ЖОО-ның қатысуымен білім жәрмеңкесі өтті.

     Жәрмеңкенің басты мақсаты мектеп оқушыларына Қазақстанның үздік ЖОО туралы мәліметтер беру, «РФММ» КеАҚ шәкірттерінің Қазақстан мен шетелдің үздің оқу орындарында оқуына ықпал ету болды. Сонымен бірге оқушылар халықаралық түсу емтихандарына дайындық туралы көптеген пайдалы мағлұмат алды.

      Көрмеге Назарбаев Университет, Қазақ-Британ техникалық университеті, ҚБТУ жанындағы Қазақ теңіз академиясы, әл-Фараби атындағы Казақ ұлттық университеті, Халықаралық ақпараттық технологиялар университеті, Сүлеймен Демирел атындағы университет (SDU), Алматы энергетика және байланыс университеті, Қазақстан менеджмент, экономика және болжау институты, Мәскеу мемлекеттік университетінің Астанадағы филиалы, Халықаралық бизнес академиясы (Alma University), Қазақ ұлттық медицина университеті, Азаматтық авиация академиясы, Халықаралық бизнес университеті (UIB) секілді Қазақстандағы жетекші оқу орындары тегіс қатысты.            

Жәрмеңке барысында оқушылар мен олардың ата-аналары ақпараттық материалдар, университеттердің тікелей өзінен оқуға түсу мерзімі мен талаптарына байланысты кеңестер алды. Жәрмеңкеге қатысушылар (университеттер мен білім орталықтары және агенттіктер) оқушылар және ата-аналармен тікелей байланысу мүмкіндігіне ие болды.