РФММ-нің физика бойынша олимпиадалық командасы Ресей Федерациясының Екатеринбург қаласынан жалпыкомандалық қола медальмен оралды. Ресейдің бірінші президенті Б.Н.Ельцин атындағы Орал федералды университетінде қазанның 30-ы мен қарашаның 4-і аралығында 8-10 сыныптар үшін физикадан V турнир өтті. Турнирде 8-10 сынып оқушылары физикадан теориялық және тәжірибелік есептерді шығарудан жеке және командалық сынға түседі. Жеке олимпиада бәсекелерінде Шалтаев Дамир, Мақұл Нұрдәулет және Сәдуақасов Нұрсат күміс медаль жеңіп алса, олимпиадалық команданың төртінші мүшесі Орынбай Есімхан қола медаль олжалады. Біз талапты оқушыларымызды кезекті жетістіктерімен құттықтаймыз.