Салтанатты кеш бағдарламасында Тұңғыш президент Нұрсұлтан Назарбаевтың сүйікті шығармалары орындалып, Елбасының өмір жолы мен жетістіктерінен сыр шертетін фото және сурет көрмесі ұйымдастырылды.

Салтанатты баяндамасында «РФММ» КеАҚ Басқарма төрағасы Ербол Баеков мектеп ұжымы мен оқушыларды еліміз үшін елеулі күнмен құттықтады.

Ербол Сейітұлы Нұрсұлтан Назарбаевтың әрқашан өзінің басты президенттік мақсаты - білімді жастарды тәрбиелеу мен оларға қолдау көрсету екенін айтып жүретінін еске салды. Осыған орай физмат шәкірттеріне бейіндік пәндер бойынша өтетін алдағы емтихандарды тапсыруда сәттілік тіледі.

11-сынып оқушылары дайындаған концерттік бағдарламада президентіміз сүйіп тыңдайтын «Весна на Заречной улице» кинофильміндегі әндер шырқалды. Сонымен бірге оқушылар Н.Назарбаевтың өзі шығарған «Үшқоңыр» секілді шығармаларын орындады.

Концерт барысында президент Н.Назарбаев туралы «Балалық шағымның аспаны» кинофильмінен үзінділер көрсетілді.

Ал мектеп фойесінде Тұңғыш Президент Күніне арналған фото және сурет көрмесі ұйымдастырылды.