2 ақпаннан бастап біздің мектепте "Инновациялық аймақтағы сабақ" атты әдістемелік айлық басталды. Қазақстан тарихы пәнінен Тапенова А.С. 9 "А" сыныбында "Тың игеру" атты және қазақ әдебиеті пәнінен Әкімбекова Г.З. 8 "В" сыныбында М.Мақатаевтың "Аққулар ұйықтағанда" тақырыбында инновациялық ашық сабақтар өткізді. Қазақстан тарихы сабағында оқушылар өз ойларын, көз-қарастарын ортаға салып, пікір алмасты. Қазақ әдебиеті сабағында  оқушылар  "Зерттеушілер", "Кейіпкерлер үні", "Экологтар", "Тілшілер", "Жазушылар" сияқты бірнеше топқа бөлініп, шығарманың тақырыптық-идеялық негізін ашты, кейіпкерлер бейнесіне талдау жасады. Әрбір топ бағалау парағын пайдаланып, өздерін бағалады. Сабақтың соңында кері байланыс: нәтиже, сабақтың сәтті тұстары, болашаққа жоспар, сабақтың әлсіз тұстары арқылы қорытынды жасалды. Педагогикалық шеберлік практикалық тәжірибе негізінде қалыптасады. Осы инновациялық сабақтар арқылы көз жеткізуге болады.