Сәуірдің 6-сы күні «Дарынды балаға - талантты ұстаз» - атты Республикалық педагогикалық олимпиадасының облыстық кезеңі өтті.Қарағанды облысы бойынша ең мықты деген 18 топ қатысты.Соның ішінде қасиетті Жаңаарқа жерінің намысын қорғап,қанжығаларын жүлделі 2-орынмен майлап келген,    Картаева Айдана жетекшілік еткен,С.Сейфуллин атындағы ЖОББ мектебінің «Зерде» тобы.Топ мүшелері: Қасым А. Ұлмағанбетов Е. Қасымова Г. Рахметолла Г. Төлеутай Г. Бабашева Ә. Узиаман А. Сайыс 2 кезеңнен құралды.1-кезеңде туған жерін,мектебін таныстыру болса,2-кезең «Болашақ энергиясы - EXPO-2017» насихаттау.1-кезеңде дарынды оқушылар мектептің бетке ұстар түлектері,халықтың қалаулы азаматтары Бекболат Тілеухан,Әбілхакім Ақмұрзин,Қорабай Есенов сынды елімізге еңбегі сіңген тұлғаларды мақтан етіп,Құдайбергенов Еркебұланның сөзіне жазылған «Біз Жаңаарқа жастары» өлеңімен бұл кезеңді аяқтады.2-кезеңде 25 жылдық тарихымызда болмаған,елбасымыздың идеясымен қолымыз жеткен,ең үлкен жетістігіміз - «EXPO-2017» Халықаралық көрмесін нақты дәлелдермен,өткізілетін жаңашыл шараларды жан-жақты дәріптеді.Осылайша,артылған сенім,жасалған еңбек ақталып,мамыр айының 4-5 күндері өтетін Республикалық «Дарынды балаға - талантты ұстаз» олимпиадасына жолдама алып,ауданымыздың,сонымен қатар облысымыздың намысын қорғауға жол тартады.Ендеше сәттілік серік болғай дейміз!Жеңіс құтты болсын!