12 сәуір күні физика және информатика пәндерінің апталығы басталды. Апталықтың ашылуы авиация және ғарышкелер күніне байланысты таңғы 7:30 да мектептің радиоторабынан Ю.Б. Левитанның даусымен дүние жүзін дүр сілкіндірген адамзаттын ғарышты бағындырғаны, оның ішінде тұңғыш ғарышкер Ю.Гагариннің қайсарлығы мен батылдығы туралы хабармен басталды. Ғарышкердің киімін киген оқушы мектеп ішін аралап, оқушылар мен ұстастарды бей-жай қалдырмады.

«Ғарышкермен» суретке де түсіп жатты. Сабақ арасындағы үлкен үзілістерде оқушылар казақстандық ғарышкерлер туралы және ғарыш жайында мәліметтер беріп отырды. Сондай-ақ апталық барысында жоспарланған іс-шаралар бағдарлама бойынша жүзеге асырылып, пән мұғалімдері ашық сабақтар өткізіп жатыр.