Шашубай кенті "Мектеп-балабақша кешені" КММ - де 2014жылы сәуір айында Қарағанды облысы білім басқармасы, Қарағанды облысы білім беруді дамытудың әдістемелік орталығы ұйымдастырған "Ауыл мектептерінде білім сапасын арттырудың тиімді жолдары" тақырыбында аймақаралық форум өтті. Форум барысында 1-ші деңгейлі сертификатталған ұстаздар бірнеше панорамалық сабақтар өткізіп, әр пәннен өткізілген шеберлік сағаттарда оқыту мен оқу тәжірибесіне жаңа тәсілдерді тиімді пайдаланудың білім сапасын көтеріп, оқушылардың пәнге қызығушылығын арттыратынын тәжірибе жүзінде көрсетіп, ой бөлісті. Өзім 10 сыныпта өткен "Бизнесті жоспарлау және жүзеге асыру" тақырыбында өткен шеберлік сағатында топтардағы бірлескен жұмыс, диалогтік оқыту, өзара және өзін өзі бағалау, оқыту мен оқытуда АКТ-ны қолдану сияқты тәсілдер арқылы аталған тақырыптың өзектілігін, өмірмен байланысын, туындаған проблеманы шешу жолдарын сабақ барысында ашып көрсете білдім. Форумға қатысушылар өздерінің ой пікірлерін білдіріп, сабаққа жоғары баға берді.